Avié rèn leissa à sa fremo Enca mens à seis enfant.
Adiéu ...
Tu t'en vas e iéu me leisses
Eme lei boursoun cura.
Adiéu ...
S'aviés pas agu la fouiro
Sariés pas toumba tant bas !
Adiéu...
Tu t'en vas e iéu demori Pèr manja la soupo d'ai.
Adiéu . ..
Tu t'en vas e iéu m'en torni Adiéu paure Carnaval.
Adiéu ...
PIMPE
Pimpé, Pimpé se coupè la gambo Pimpé,pimpé se coupè lou pèd.
Ah que danso bèn la saco de païo, Ah que danso bèn la saco de bren.
LA TARASCO
Lagadigadèu la Tarasco, Lagadigadèu dóu castèu Leisso la passa la vièio masco
Leisso la passa que va dansa! (bis)
LA PAIASSO
Oh! coumo dansan bèn la païasso, la païasso Oh! coumo dansan bèn la païasso sènso argènt.
Pimpé, pimpé, pimpé ...
LEI BOUFET
Sian uno bando de bravo jouventure Aven un gran fiò que nous brulo
Se sian imagina Pèr se lou fa passa
De prendre de boufet
Au cuou se fa boufa (ter)
Lei boufet soun rout, soun rout ma mignouno,
Lei boufet soun rout, soun recoumouda
La La La Lalala La La La,
La La La Lalala La La
Lei, boufet soun rout, soun recoumouda
Noun cresès pas que siguen d'amourraire Noun sian renouma pèr boufaire Qu se vòu fa boufa A que de s'avança
Lou canoun es planta Lou jo va coumença (ter)
Lei boufet soun rout,.................................
Es un óutis, coumpausa de dos peço- Que pèr lou mena fau d'adrèsso
Es surtout lou canoun
Qu'a lou mai de renoun
Tastas lou qu'uno fes Voudrés tout lou boufet (ter)
Lei boufet soun rout,.................................
Aprouchas-vous aimable damisello Venès ranima nouestre zele Venès vous fa boufa Sarés ben satisfa Quand aurés uno fes
Tasta nouestre boufet (ter)
Lei boufet soun rout,.................................
Se, pèr asard, lou boufet pòu vous plaire Poudès aproucha de tout caire Poudès veni souvènt Vous dounaren de vènt
Plus dous que lou mistrau,
Que fa sera lou trau (ter)
LEI FIELOUA
Jouinesso venès escouta Uno cansoun que n'avèn fa,
Entre lou fus e la fieloua
Rendon lei fremo pareissoua. An souvènt la maire en fielant,
N'en toumbon lou fus de la man.
Eisaminas noste fanau: A lou gau que i'é vai pas mau, La candèlo que i'a dedins
Enlusira noste camin, Se s'amóussavo anarié mau Tant voudrié jita lou fanau.
Avèn que de bèlli fieloua,
Soun longo, van de poupo a proua,
Lou fus qu'a ges de mouscouloun Empacho pas que siègue bon.
Empougnas lou, es aboundous,
Car d'un soulet n'en farias dous.
Lei fieloua e lei cascavèu, Es tout ço qu'avèn de pu bèu. Lei cascavèu soun ben mignoun,
L'escan nous serve de blestoun. Se lou blestoun noun vèn proun bèn, Lou finiren à l'an que vèn.
Bravì fremo d'aquest quartié, Adusès-nous tout voste pié.
Proufichas d'aquesto oucasioun Pèr faire vosto prouvisioun,
Lou fielan fin coumo lou lin, Lei cordié lou fan pas pu fin.
Tout aro avèn tout repassa ; Dóu trissoun avèn pas parla E n'ia forço que se l'avien,
Eme plesi s'en servirien. Nautre de pau de I'óublida, L'avèn toujour pènja au coustat.
Vous vau dire un mot en passant
De ma fieloua e moun escan. Quau voudra se servi de iéu, Tire dre que se póu pas miéus,
Quau fau uno caviho-co Roumpriéu l'escan en milo tros.
Eisaminas noste arlequin,
Que n'es feiniant e libertin. S'a soun àbi tout pedassa, Dèu gramacia la soucieta, Cadun i'a pausa soun moucéu, Es ço que l'a rendu tant béu.
Vesèn veni noste servant Em'uno boutiho à la man
E de l'autre lou galoubet. Nous prendra touti pèr darrié, E s'es pièi un pau vigilènt, De nautre sara bèn countènt.
Vautrei, fremo de quaranto an, Qu'avès de fiho de quinge an, Aprenès-lei bèn à fiela, Encaro mies à debana, Pèr fin que pousquen l'an que vèn Faire lei fieloua toueis ensèn.
Coume uno fremo sièu vesti, Mai coume un ome sièu basti. Fiheto, se va cresès pas, Poudès toujour i regarda. Fremo, se voulès lou teni,
Vous dounarai ben de plesi.
Adiéussias, bràveis abitant, Vous avèn di ço que sabian ; S'avèn óublida quaucarèn,
Sian pas pouèto, e lou sabèn :
Escusas-nous pèr lou councert,
Vous souvetan bèn lou bon sèr.
