Gai Prouvençau, vèngue de tambourin,
Tòutis ensèn faren la farandoulo.
Rèn de tant bon pèr nega lou chagrin
Que d'entrechau sus l'èr d'aquest refrin.
Ah! se voulien, li pople de la terro,
Nous segui dins noste en-avans,
Mandarian lèu li cercaire de guerro
Rascla de cano e mouse de tavan!
A Barbentano
Soun li pu crano ;
Pér toumba just n'i'a jamai un que cano.
A Barbentano
Sias espanta,
Vous goupihas de li vèire sauta.
Gai Prouvençau, vèngue de tambourin,...
D'aquelo d'Arle, Que se n'en parle! Quand jogon l'èr, fau que tout s'escambarle
D'aquelo d'Arle,
N'en sian d'acord.
L'envanc merito uno medaio d'or.
Gai Prouvençau, vèngue de tambourin,...
Li de Maiano,
Res lis engano
Soun escoulan dóu Rèi de nòsti plano ;
Li de Maiano,
Soun majourau
E fan ounour à noste grand Mistrau.
Gai Prouvençau, vèngue de tambourin,...
LA FARANDOULO DE TARASCOUN
LA MAZURKA DE SANT-ANDIOU
LA MAZURKA SOUTO LI PIN
CHARLOUN
Galànti chatouno, Amourous jouvént,
La roso, boutouno Ansin nous counvèn. Au jour-d'uei qu'es fèsto,
Anen la culi, Qu'en danso rnoudèsto Devèn trefouli.
Venès, que l'ouro s'avanço,
Es fèsto au Mas d'escanin ;
La mazurka, gènto danso,
La faren souto li pin.
Venès, que l'ouro s'avanço,
Es fèsto au Mas d'escanin ;
La mazurka, gènto danso,
La faren souto li pin.
Lou bèu musicaire, Bèn estigança,
Fau que tarde gaire, Déurié coumença...
Devers lis Aupiho,
Vès lou tambourin :
Acò nous reviho
E nous met en trin.
Venès, que l'ouro s'avanço,...
Coulourido o palo, Dins l'èr perfuma,
Li man sus l'espalo Quau pòu nous bleima!...
Dansant en mesuro Is iue di parènt
Souto la verduro, Res nous dira rèn.
Venès, que l'ouro s'avanço,...
La font de l'Arcoulo, Que coulo à grand rai, L'auro ié ventoulo
Li pibo e li frais ;
Au riéu que clarejo,
En coulour d'argènt,
Ges d'àutris envejo,
Que béure au sourgènt.
Venès, que l'ouro s'avanço,...
Oh! que saren bello,
Dins lou fres valoun,
Largant li trenello De nòsti péu blound! En floutant à rèire, Li jouvènt alor, Eli creiran vèire De garbello d'or!
Venès, que l'ouro s'avanço,...
La danso finido, Vendren à parèu,
Dedins la bastido,
Souto lou castèu ;
En rejouïssènço,
Béuren lou muscat,
Pèr la souvenènço
De la mazurka.
Venès, que l'ouro s'avanço,...
LA VOTO
Auzias JOUVEAU
Es la fèsto dóu vilage ;
Li tambourin
Toucaran, coume es d'usage,
Si gai refrin. Li jouvènt vendran en foulo
E se rira,
Se fara la faradoulo,
Se balara.
Dansaren la mazurka
E la polka. (bis)
Fau que jouinesso se passe,
Dison li viéi ;
Que la danso nous alasse,
E veirin pièi.
Es pas toujour qu'es la fèsto!
Pèr travaia
l'a de tèms emai de rèsto :
Fau s'esgaia
Zóu! dansen la mazurka,
E la polka. (bis)
Boùito, tambour e musico
Rendon galoi. Quénti fèsto magnifico Que Sant-Aloi! Aco bèn qu'es pas de dire, Lèu finira ; Quand sias jouine vau miés rire
Que de ploura.
Zóu! dansen la mazurka,
E la polka. (bis)
Emai danse e fague fèsto
A se blesi, La jouinesso resto ounèsto
Dins si plesi. Dins li voto de Prouvènço, Poudès coumta Que veirés nosto jouvènço
Se respeta.
Zóu! dansen la mazurka,
E la polka. (bis)
LEI COURDELLO
Sian de jouinei courdelié, Fasèn de Courdello, E dins moueste bèu mestié Servèn foueço bello ; Dins nouesto boutigo vèn De touto sorto de gènt,
Mai lei pu poulido }
Soun lei mies servido. } bis
Nouéstei rèire, dins soun tèms
Fasien de Courdello, Chasco maire s'en souvèn,
Fiho riserello!
Car segur an pa' óublida
De se faire courdela }
Pèr de fin coumpaire }bis
Que se lagnon gaire.
Lei Courdello que fasèn
Soun boueno e courmodo,
E se fau, vous prouvaren Que soun à la modo.
Mai, fiheto, aprouchas pas!
De noueste gaubi doutas?
