Ai rescountra ma mio,
Dilun, Que s'en anavo vèndre
De fum, Lun, fum, tóu !
Entorno-te ma mio, entorno-te que plòu, Entorno-te ma mio, entorno-te que plòu !
Ai rescountra ma mio,
Dimar, Que s'en anavo vèndre
De lard, Mar, lard, lun, fum, tòu !
Entorno-te ma mio,...
Ai rescountra ma mio,
Dimecre, Que s'en anavo vèndre De lèbre, Mecre, lèbre, mar, lard, lun, fum, tóu !
Entorno-te ma mio,...
Ai rescountra ma mio, Dijòu, Que s'en anavo vèndre De biòu, Jòu, biòu, mecre, lèbre, mar, lard,
lun, fum, tóu !
Entorno-te ma mio,...
Ai rescountra ma mio, Divèndre, Que s'en anavo vèndre De cèndre, Vèndre, cèndre, jòu, biòu, mecre, lèbre,
mar, lard, lun, fum, tóu !
Entorno-te ma mio,...
Ai rescountra ma mio
Dissato, Que s'en anavo vèndre
De pasto,
Sato, pasto, vèndre, cèndre, jòu, biòu,
mecre, lèbre, mar, lard, lun, fum, tóu !
Entorno-te ma mio,...
Ai rescountra ma mio
Dimenche, Que s'en anavo vèndre
De penche, Mencbe, penche, sato, pasto, vèndre,
cèndre, jòu, biòu, mecre, lèbre, mar,
lard, lun, fum, tóu !
Entorno-te ma mio,...
Ai rescountra ma mio
Un jour, Que s'en anavo vèndre
De flour,
Jour, flour, mencbe, penche, sato,
pasto, vèndre, cèndre, jòu, biòu,
mecre, lèbre, mar, lard, lun, fum, tóu !
Entorno-te ma mio,...
Ai rescountra ma mio
Un mes, Que s'en anavo vèndre
De pes,
Mes, pes, jour, flour, mencbe, penche,
sato, pasto, vèndre, cèndre, jòu, biòu,
mecre, lèbre, mar, lard, lun, fum, tóu !
Entorno-te ma mio,...
Ai rescountra ma mio
Un an, Que s'en anavo vèndre
De pan, An, pan, mes, pes, jour, flour, mencbe, penche, sato, pasto, vèndre, cèndre, jòu, biòu, mecre, lèbre, mar, lard, lun, fum,
tóu !
AQUELI MOUNTAGNO
Aquéli mountagno
Que tant auto soun M'empachon de vèire
Mis amour ount soun.
Auto, bèn soun auto,
Mai s'abeissaran,
E mis amoureto Vers iéu revendran.
Avau dins la plano
l' a'n pibo trauca, Lou couguiéu ié canto Quand ié vai nisa.
Que cante e recante Canto pas pèr iéu : Canto pèr ma migo, Qu'es proche de iéu.
A la font de Nimes I'a un amelié .
Oue fai de flour blanco Au mes de janvié.
S'aquéli flour blanco
Eron d'ameloun Culiriéu d'amelo Pér iéu e pèr vous.
BELLO CAIO
CANTO CIGALO
Auzias JOUVEAU
Lou soulèu ris e dardaio E plòu de soun front reiau
De belu que sus li daio
Lusisson coume d'uiau.
Fai brusi ti chimbaleto, E vivo l'estiéu !
Proun de cant, o cigaleto, Valon pas lou tiéu.
Apounde toun sègo-sègo
Au frou-frou di blad madur; Lou daiaire que li sègo En t'ausènt ié mando dur.
Fai brusi ti chimbaleto,...
Ta vido es courto, o cigalo
Vives pou, mores en jun ;
Mai toun canta nous regalo, Tre que vèn lou mes de jun.
Fai brusi ti chimbaleto,...
Se ton vèspre au clar de luno,
Causounejon li grihet;
Tu, lou jour, cigalo bruno, Cantes i fiò de Juliet.
Fai brusi ti chimbaleto,...
Cigaleto, canto, canto !
Ta cansoun es de moun goust.
Que toun cha-cha que m'encanto
Dure tout lou mes d'Avoust !
Fai brusi ti chimbaleto,...
Pièi, quand vendran li fresquiero, Cigaleto, un bèu matin,
Endor-te dins li broutiero,
Urouso de toun destin.
DIGO JANETO
Digo, Janeto, te vos-ti louga, larireto !
Digo, Janeto, te vos-ti louga ?
Nani, ma maire, me vole marida, larireto !
Nani, ma maire, me vole marida !
Prendrai un ome que sache laura, larireto !
Prendrai un ome que sache laura,
Fouire la vigno e sega lou prat, larireto !
Fouire la vigno e sega lou prat.
Faren boutigo; vendren de taba, larireto !
Faren boutigo; vendren de taba: Cinq sóu lou rouge, douge lou muscat, larireto ! Cinq sóu lou rouge, douge lou muscat !
JAN PETIT
Jan Petit que danso,
Jan Petit que danso,
Me lou det que danso,
Me lou det que danso,
Me lou det, det, det,
Ansin danso Jan Petit!
Jan Petit que danso, (bis)
Me la man que danso, (bis)
Me la man, man, man,
Me lou det, det, det,
Ansin danso Jan Petit!
Me la testo ...
Me la gambo ...
Me lou cuou ...
Me l'esquino ...
etc ...
LA CANSOUN DIS AVI
Frederi MISTRAL
Ounour à nòstis àvi Tant sàvi, tant sàvi, Ounour à nòstis àvi, Qu'avèn pas couneigu !
An viscu,
An tengu
Nosto lengo vivo
An Viscu,
An tengu
Tant coume an pouscu !
Soungen qu'avans-courrèire Li réire, li rèire, Soungen qu'avans-courrèire Pèr nautre, an courregu.
An viscu...
Soungen qu'an fa mirando,
E grando, e grando
Soungen qu'an fa mirando,
Sus lou Rose fourcu.
An viscu...
S'avèn aquest terraire
0, fraire, o fraire, S'avèn aquest terraire, Es qu'éli l'an agu.
An viscu...
S'avèn lou vin de souco
En bouco, en bouco, S'avèn lou vin de souco
Es lou vin qu'an begu.
An viscu...
E manjan la seisseto
Rousseto, rousseto
E manjan la seisseto
Di terro qu'an mougu.
An viscu...
E pèr nous douna l'òli, Tant jòli, tant jòli, E pèr nous douna l'òli, Souu gàubi a fougu.
An viscu...
Tout ça qu'avèn de voio
Revoio, revoio Tout ço qu'avèn de voio D'éli nous es vengu.
An viscu...
Tout ço que nous rènd libre,
Felibre, felibre, Tout ço que nous rènd libre, Lis àvi l'an vougu.
An viscu...
De joio e d'agradanço
I danso, i danso, De joio e d'agradanço
N'avien mai que d'escut.
An viscu...
La gràci, fiho gaio
Cascaio, cascaio La gràci, fiho gaio,
N'a pas li det croucu.
An viscu...
Soun cant galoi e mounde
Au mounde, au mounde,
Soun cant galoi e rnounde Long-tèms a prevaugu.
An viscu...
A Jano e Guihaumeto
Mameto, mameto,
A Jano e Guihaumeto Tambèn an plasegu.
An viscu...
Mai d'abord que fai traço, La raço, la raço, Mai d'abord que fai traço,
Fasen noste degu.
An viscu...
Aparen lou repaire
Di paire, di paire,
Aparen lou repaire
Ounte nous an pascu.
An viscu...
Urous lou que pòu viéure Deliéure, deliéure, Urous lou que pòu viéure
Aqui mounte es nascu !
An viscu...
Se plòu un jour o l'autre,
Sus nautre, sus nautre, Se plòu un jour o l'autre, Sus éli a plòugu !
An viscu...
LA CANSOUN GARDIANO
LA LANO
Quand vèn Ion mes de Mai Li toundèire vènon,
Toundon la niue, toundon Iou jour, Pendènt un mes e quinge jour.
E tres semano,
Toundon la lano D'aquéli blanc moutoun.
Li toundèire s'en van, Li lavaire vènon,
Lavon la niue, lavon lou jour, Pendènt un mes e quinge jour.
E tres semano,
Lavon la lano D'aquéli blanc moutoun.
Li lavaire s'en van, Li cardaire vènon,
Cardon la niue...
Li cardaire s'en van, Li fielaire vènon,
FieIon la niue...
Li fielaire s'en van, Li faturié vènon.
Teisson la niue...
Li faturié s'en van, Li taiaire vènon,
Taion la niue....
Li taiaire s'en van, Li pratico vènon,
Croumpon la niue...
Li pratico s'en Li patiaire vènon
Pàtion la niue...
LA RESPELIDO
LA ROUMANSO DOU REI EN PEIRE
Félix GRAS
Lou Rèi En Pèire mounto à chivau,
E coume un lamp arribo d'avau
A chivau, Emé la longo espaso
Arribo d'eilavau. Emé la longo espaso
Arribo d'eilavau.
A cuirasso d'argènt, casco d'or, Blouquié d'aram que paro la mort;
Casco d'or E lanço bèn pourichudo.
Noun s'enchau de la mort. (bis)
Lou pople brave e fièr d'Aragoun
S'aubouro e lou seguis, l'arme au poung
D'Aragoun
Tout lou pople s'aubouro
E boundo, l'armo au poung. (bis)
Li dono, e li troubaire an ploura Bessai leu rèi alin mourira !
An ploura,
Li dono tant poulido
Dison que mourira ! (bis)
Li Pirenèu menèbre gigant, Tremolo davans Pèire lou Grand;
Mount gigant.
An saluda l'armado Dóu rèi Pèire lou Grand. (bis)
I porto de Toulouso, un matin,
Picon li cavaucaire latin;
Un matin
Bandiero desplegado,
Arribon li Latin. (bis)
Lou rèi à la primo aubo èro dre
De davans li pourtau de Muret
Ero dre
Coume l'aubre di mourre
E sarravo Muret. (bis)
Mount-Fort e si crousaire, subran,
Sorton coume de loup, fan qu'un bram. Zóu subran Li lanço s'entre-croson
E s'ausis plus qu'un bram ! (bis)
Pèire a sa lanço routo: n'es rèn ! Sa longo espaso sègo à-de-rèng; Nouti, n'es rèn: Car soun espaso sègo Douge tèsto à-de-rèng ! (bis)
Lou sang ié gisclo au poung cremesin
E taco soun chivau sarrasin
Cremesin, Se mesclo emé l,escumo Dóu chivau sarrasin. (bis)
Ai ! quatre lanço au cop fan soun trau E Pèire laisso ana sa destrau: -
Fan soun trau Li lanço empouisounado,
E lacho sa destrau ! (bis)
Plouras dono e troubaire ! es toumba Lou rèi que pèr Toulouso se bat !
Es toumba
Subre l'erbo flourido...
E finis lou coumbat ! (bis)
LA TARGO
Jougan à la targo, Bràvi Martegau,
Se toumban dins l'aigo
Se faren pas mau.
E sus la tinteino Qu'un Marin adré, Coume la poulèno Dèu se teni dre.
Pèr plaire i fiheto
Quand anas targa,
Fau de pampaieto Bèn èstre abiha,
Se i'a d'amoulaire
Que vogon mounta,
Lis auren, pecaire, Bèn lèu debaussa.
Quand es d'aterraire
Que toumbon soulet, Li disèn targaire Dóu bon rei Reiné ;
Car lou poudèn dire, Quand li vèi toumba,
Manco pas de rire Li vesént sauta,
Mai li trau dins l'aigo
Se couneisson pas ;
Se bagnon li braio,
Li faran seca.
Quand la targo es lesto
Se fau desfreira, Pèr gagna la pèço
Fau tout desbarca.
LA VIEIO
Dins Paris i'a uno vièio. Ouai ! (bis)
Qu'a mai de quatre-vints an,
Ran-plan-plan ! la vièio !
Qu'a mai de quatre-vints an,
Ran-plan-plan !
La vièio s'en vai i danso. Ouai ! (bis) S'assèto proche un galant,
Ran-plan... S'assèto proche un galant,
Ran-plan...
"Galant, dis, se tu m'espouses. Ouai ! (bis)
Ran-plan...
Te farai riche marchand".
Ran-plan...
" Iéu n'espouse pas'no vièio. Ouai ! (bis)
Ran-plan... Que noun ague vist si dènt ".
Ran-plan...
La vièio se bouto à rire. Ouai ! (bis)
Ran-plan... E mostro dos dènt davans.
Ran-plan...
N'i'a uno descavihado. Ouai ! (bis)
Ran-plan...
L'autre vai en cascaiant.
Ran-plan...
Se lou dilun l'a 'spousado. Ouai ! (bis)
Ran-plan...
Lou dimars l'enterraran !
Ran-plan...
De l'argènt d'aquelo vièio. Ouai ! (bis)
Ran-plan...
N'aurai une de quinge an.
Ran-plan...
LIS ESCLOP
Quan te coustèron, (ter)
Tis esclop ?
Quand èron (ter) Nòu, Quand èron (ter) Nòu.
Cinq sòu coustèron (ter)
Mis esclop,
Quand èron (ter)...
Cinq de tacheto (ter)
A mis esclop,
Quand èron (ter)...
Bourda de rouge (ter)
Mis esclop,
Quand èron (ter)...
Cinq de courrejo (3),
Mis esclop,
Quand èron (ter)...
Cinq de ligneto (4),
Mis esclop,
Quand èron (ter)...
La ganso verdo (ter)
A mis esclop,
Quand èron (ter)...
Passant sus la glaço (ter)
Mis esclop.
Faguèron (ter)
Clo-clo. Faguèron (ter)
Clo-clo.
LIS ESTELLO
LOU MARIDAGE DE PARPAIOUN
Parpaioun, moun bon ami,
Parpaioun, marido-ti ! (bis) Dis ancian seguènt l'usage, Penso à te metre en meinage,
Parpaioun, moun bon ami,
Parpaioun, marido-ti !
Coume me maridarai Que ges de mouié iéu n'ai ? (bis) Vai, ié responde la toro, N'en sarai la tiéu segnouro,
Parpaioun, moun bon ami,...
Coume me maridarai
Que ges de loujamen n'ai ? (bis) lé responde la limaço : léu, te cedarai la plaço,
Parpaioun, moun bon ami,...
Coume me maridarai Que ges de linçòu iéu n'ai ? (bis) Vai, ié responde l'aragno léu, te flelarai l'escagno.
Parpaioun, moun bon ami,...
Coume me maridarai Que de pan pèr acò n'ai ? (bis) Ié responde la fourmigo:
En servo garde l'espigo,
Parpaioun, moun bon ami,...
Coume me maridarai Que de pitanço noun n'ai ? (bis) Vai, ié responde lou gàrri, Siéu lou mèstre de l'armàri,
Parpaioun, moun bon ami,...
Coume me maridarai Que ges de lume iéu n'ai ? (bis) lé responde la Iuserno: Iéu, servirai de lanterno.
Parpaioun, moun bon ami,...
Coume me maridarai Que ges de sucre iéu n'ai ? (bis) Vai, ié responde l'abiho,
N'atrove sus la ramiho.
Parpaioun, moun bon ami,...
Coume me maridarai
Que ges de musico n'ai ? (bis) Ié responde la cigalo : léu, jougarai di, chimbalo.
Parpaioun, moun bon ami,...
Tout countènt e satisfa,
Parpaioun s'es marida; (bis)
Au sant retour de la messo -
Di doun qu'avien fa proumesso, Chasque animau venguè lèu Ounoura l'espous nouvèu.
LOU MOUSSI
Soun tres veissèu dedins Marsiho (bis) Que van parti pèr Pourtugau,
Liroun fa la lireto, Que van parti pèr Pourtugau,
Liroun fa la lira.
An bèn resta sèt an sus l'aigo (bis) Sénso pousqué terre abourda.
Liroun fa la lireto,
Sénso pousqué terre abourda.
Liroun fa la lira.
Quand i'a sèt an que soun sus l'aigu (bis)
Lou pan, lou vin, tout a manca.
Liroun fa... (bis)
An tira'Ior, la courto-paio (bis) Quau sara lou proumié manja.
Liroun fa... (bis)
Lou mèstre qu'a parti li paio, (bis) Bèn la pu courto i'es resta.
Liroun fa... (bis)
Quau sara lou tant valènt móussi (bis) Que la vide me vòu sauva ?
Liroun fa... (bis)
Té doune uno de mi tres fiho (bis) Em'un veissèu subre-daura
Liroun fa... (bis)
Bèn, sara iéu, moun capitàni (bis)
Que la vido vous vau sauva.
Liroun fa... (bis)
Ah ! mounto, mounto, valènt móussi, (bis) Mounto, à la poumo dóu grand mat.
Liroun fa... (bis)
Quand lou móussi es sus li crouseto (bis) Lou móussi s'es mes à ploura.
Liroun fa... (bis)
Ah ! de que ploures, valènt móussi, (bis)
Veses pas quauque port de mar ?
Liroun fa... (bis)
Noun ! vese que lou cèu e l'aigo (bis) Emé lis erso de la mar.
Liroun fa... (bis)
Ah ! mounto, mounto, valènt móussi, (bis)
Un pau plus aut te fau mounta.
Liroun fa... (bis)
Quouro es esta dessus la poumo, (bis) Lou móussi s'es mes à canta.
Liroun fa... (bis)
Ah ! de que cantes, valènt móussi, (bis)
Veses-ti quauque port de mar ?
Liroun fa... (bis)
Vese Touloun, vese Marsiho (bis) Nosto-Damo de la Ciéutat.
Liroun fa... (bis)
Vese tres jouini damisello, (bis)
Que proumenon long de la mar.
Liroun fa... (bis)
Ah ! canto, canto, valènt móussi, (bis) Aro as bèn proun de que canta;
Liroun fa... (bis)
As gagna 'no poulido fiho (bis) Em'un -veissèu subre-daura.
Liroun fa... (bis)
Ai gagna 'no poulido fiho, (bis) Mai ai risca d'èstre manja.
Liroun fa... (bis)
LOU RENEGAT
LOU RIGAUDOUN DOU CALIGNAIRE
Maire se sabias d'ounte vène, d'ounte vène! Maire se sabias d'ounte vène, me batrias! Vène de Touloun, de Touloun e de Marsiho. Vène de Touloun, de dansa lou rigaudoun
Avièu un calignaire, m'agradavo pas,
Avié lou nas de caire, sabié pas dansa. Aquéu calignaire, m'agradavo gaire, Aquéu calignaire, m'agradavo pas.
I'a li chivalié, de l'armado, de l'armado, I'a li chivalié, parlon d'amour voulountié,
L'espaso au coustat, bello mino, bello mino,
L'espaso au coustat, sabon se faire escouta.
Avièu un calignaire...
I'a tant de marin, pèr la danso, pèr la danso, I'a tant de marin pèr la danso plen d'entrin. Rire que fai gau, cambo lèsto, cambo lèsto, Rire que fai gau, cambo lèsto e pèd descaus.
Avièu un calignaire...
I'a li gros marchand, li pistolo, li pistolo,
I'a li gros marchand, li pistolo e li diamant.
N'an si cofre plen,de coulano, de coulano,
N'an si cofre plen,de coulano e de pendent.
Avièu un calignaire...
Ah li bèu païs, tout la fèsto, tout la fèsto, Ah li bèu païs, tout la fèsto, tout ié ris.
Maire se voulias, vosto fiho, vosto fiho,
Maire se voulias, aqui la maridarias
Avièu un calignaire...
MAGALI
Frederi MISTRAL
0 Magali, ma tant amado, Mete la tèsto au fenestroun !
Escouto un pau aquesto aubado
De tambourin e de viouloun.
Es plen d'estello aperamount !
L'auro es toumbado;
Mai lis estello paliran,
Quand te veiran !
Pas mai que dóu murmur di broundo De toun aubado iéu fau cas ! Mai iéu m'envau dins la mar bloundo
Me faire anguielo de roucas.
0 Magali ! se, tu te fas Lou pèis de l'oundo. Iéu lou pescaire me farai,
Te pescarai !
Oh ! mai, se tu te fas pescaire,
Ti vertoulet quand jitaras, léu me farai l'aucèu voulaire,
M'envoularai dins li campas.
0 Magali ! se tu te fas L'aucèu de l'aire, Iéu lou cassaire me farai,
Te cassarai.
I perdigau, i bouscarido, Se vènes, tu, cala li las Iéu me farai l'erbo flourido
E m'escoundrai dins li pradas.
0 Magali ! se tu te fas
La margarido Iéu l'aigo lindo me farai,
T'arrousarai.
Se tu te fas l'eigueto lindo, léu me farai lou nivoulas, E ièu m'enanarai ansindo
A l'Americo, perabas !
0 Magali, se tu t'envas
Alin is Indo. L'auro de mar iéu me farai,
Te pourtarai !
Se tu te fas la marinado, léu fugirai d'un autre las; léu me farai l'escandihado Dóu grand soulèu que found lou glas !
0 Magali ! se tu te fas
La souleiado, Lou verd limbert iéu me farai E te béurai !
Se tu te rendes l'alabreno
Que se rescound dins lou bartas, Iéu me rendrai la luno pleno
Que dins la niue fai lume i masc !
0 Magali ! se tu te fas
Luno sereno, léu bello nèblo me farai
T'acatarai.
Mai se la nèblo m'enmantello, Tu, pèr acò, noun me tendras; Iéu, bello roso vierginello
M'espandirai dins l'espinas !
0 Magali ! se tu te fas
La roso bello, Lou parpaioun iéu me farai,
Te beisarai.
Vai, calignaire, courre, courre !
Jamai, jamai m'agantaras. léu, de la rusco d'un grand roure
Me vestirai dins lou bouscas.
0 Magali ! se tu te fas
L'aubre di mourrre, Iéu lou clot d'èurre me farai,
T'embrassarai !
Se me vos prene à la brasseto, Rèn qu'un vièi chaine arraparas... léu me farai blanco moungeto Dóu mounastié dóu grand Sant Blas !
0 Magali ! se tu te fas
Mounjo blanqueto, léu, capelan, counfessarai,
E t'ausirai !
Se dóu couvènt passes li porte, Tóuti li mounjo trouvaras, Qu'à moun entour saran pèr orto, Car en susàri me veiras !
0 Magali ! se tu te fas
La pauro morto,
Adounc la terro me farai,
Aqui t'aurai !
Aro coumence enfin de crèire Que noun me parles en risènt. Vaqui moun aneloun de vèire Pèr souvenènço, o bèu jouvènt !
0 Magali, me fas de bèn ! Mai, tre te vèire,
Ve lis estello, 0 Magali,
Coume an pali !
LOU RIGAUDOUN DOU CALIGNAIRE
