LA PASTOURALO MAUREL

Aquesto pèço mèt en sceno lou roumavage di Prouvençau vers Betelèn que pèr l'óucasioun e subre-tout despièi Saboly, un autour dóu siecle dès-e-seten s'es tanca en plen mitan d'un vilage nostre. Tóuti li persounage de la Maurel s'aretrobon dins lou Belèn: de Pistachié, lou fada à l'amoulaire que i'agrado la boutiho en passant naturalamen pèr li tres vièi.

  

 

 

 

Ate proumié

Lou revèi di pastre. Touto pastouralo es bèn-entendu uno istóri de pastre, soun éli que, quiha dins si mountagno, entèndon d'en proumié lou message divin douna pèr l'Ange. Se mèton en camin e pau à-cha pau li persounage infourma se presenton au publi .
L'amoulaire que bèu mai que voulountié.
Lou mounié que resto au moulin emé sa poulido famiho.
L'avugle que i'an rauba soun fiéu.
Lou boumian qu'esfraio li gènt.
E fin-finalo li dous varlet fada :Pistachié e Jigèt.

 

 

Ate segound

Lou revèi di vièi. Manco plus que li vièi que dormon encaro, li jouine li revihon e tóuti tres, Jourdan e Margarido sa femo emai soun vesin Roustido, après quàuqui garrouio li rejougnon sus lou camin dóu Sant Estable.

 
 

Ate tresen

Alassa, li gènt dóu vilage s'arreston à la fermo de Benvengu pèr se pausa un pau.
Lis ome n'aproufichon pèr s'empega ço que metra Margarido en ràbi avans que tóuti se souciton pèr Pistachié que lou boumian a jita dins lou pous.
Fin-finalo, tóutis ensèn reprendran la draio que li menara direitamen davans la Santo Famiho.

 

 

Ate quatren

L'Estable. Es la fin dóu viage e la descuberto de la Santo Famiho. Chascun s'entournara gari de tout mau e urous en cantant la glòri d'aquéu Rèi que vèn de naisse pèr li sauva.

 

Ficho teinico